Tl'ann 2015 el jü inant i laûrs dandadüt tl raiun dla zona artejanala y Pidrô:
Ressanamënt tla zona Pidrô y Lè:
I laûrs de escavaziun è jüs inant sön la strada dla Val Badia. Un di gragn laûrs el ste da passé l'punt da Pidrô. Cun rôs fac aposta y sostëgns el gnü porte inant les condütes dal strom por l'werk, la Sel Net y la fira otica sot punt fora.
Tl indemo mumënt el gnü trat i cabli dal strom por l'werk ti rôs nüs. Nia ma la media tensjiun, mo ince i cabli de bassa tenjiun è in pert bele spo jüs in funziun.
Ressanamënt tla zona artejanala:
Tla zona artejanala ele gnü costruì les dös cabines por la trasformaziun dl strom. La cabina plü picera alimentëia la pert "nord" dla zona artejanala. La cabina plü grana i dá l'strom ala pert "süd" dla zona artejanala. Tl indemo mumënt suratolera ince la funziun de coliamënt cun la rëi a livel dessura in media tenjiun cun la Sel Net. Chësc fat comporta che la strutüra adora plü lerch. La cabina devënta insciö l'post prinzipal in media tenjiun por düta la rëi de distribuziun dl'Aziënda Eletrica a La Val. Chësta nöia cabina va a sostituì la costruziun a "ciampani" a Pidrô che è stada in funziun dal 1977 y che ne corespogn uramai nia plü ales esigënzes atuales.