I laûrs por l'6.lot va inant tl'ann 2014:
Ressanamënt tla zona Pidrô y Lè:
Adüm ai laûrs dla provinzia sön la strada provinziala Pidrô-La Val vëgnel metü jö i rôs dal strom por les ciases nöies tla zona Lé. Tl indemo mumënt vëgnel ince metü jö i rôs por to demez la condüta de media tensiun Pidrô - Ciamplò. Al è preodü da mët chilò ince ciamò les condütes.
Tl indemo canal vëgnel ince metü i rôs por les condütes dles fibres otiches.
Ressanamënt tla zona artejanala:
Tla zona artejanala ele dandadüt preodü la costruziun dles cabines de distribuziun nöies: Üna na picera cabina por la distribuziun dl strom te na pêrt dla zona artejanala y üna na maiù cabina por la distribuziun dl atra pêrt dla zona artejanala. Te chësta cabina ele deplü locai: i locai por la distribuziun in media y bassa tensiun dl strom, n local por l'coliamënt in media tensiun cun la rëi de livel plü alt y n ater local por la distribuziun dl sorvisc de coliamënt in tres fibres otiches.
Rôs por la SEL NET y les Fibres otiches:
Dlungia les cabines vëgnel ince ciavè por mët jö i ros de media y bassa tensiun dl'Aziënda Eletrica. Te n gran toc de chîsc laûrs vëgnel ince metü i rôs por la media tensiun dla SEL NET y dles fibres otiches provinziales. L'Aziënda Eletrica mët ince i rôs por la distribuziun locala dles fibres otiches.