Proiet de ressanamënt dla rëi eletrica

L'aumënt dl consum y les nöies esigënzes tl sorvisc de distribuziun a fat che l'Aziënda Eletrica  tl'ann 1995 à lasciè fa n proiet de basa por l'ressanamënt dla rëi. Por jì plü saurì adincuntra ai cosc de chësc laur à l'Aziënda Eletrica spartì sö l'proiet te plü pertes. Ince ele gnü zones ti agn 1997/1998 pormez nia preodüdes. 
L'proiet prinzipal udô insciö chëstes zones/viles por l'ressanamënt:

1.   La Val - Zënter / pröma pert
2.   Alcialc, Lunz, Plans, Taela
3.   Ciampëi
4.   Rü, Tlpëi, Funtanela
5.   Frëines, Mirbung, Ciurnadù
6.   Miriò, Rumestluns, Al Bagn
7.   La Val - Zënter / secunda pert
8.   Ciamplò, Morin
9.   Cians
10. Runch

Ciara ite a man dërta ann por ann i laurs fac y i laurs preodüs por chësc ann.

Fora de chësc proiet à l'Aziënda Eletrica laurè pro deplü condütes dal strom. Al è insciö gnü ressanè y miorè la fornidöra dla forza dl strom pro tröpes zones y viles. 
 

Tl'ann 2007 ele gnü laurè fora n proiet de mascima por l'ressanamënt dla rëi de distribuziun por les zones:

1. Zona artejanala vedla
2. Zona artejanala nöia 
3. Pidrô, Lè
4. Pramperch, Trù, Sovì y Picedac

Les condütes de distribuziun tla zona artejanala ne pormët nia plü i sezionamënc de linea damanà y ne è dessigü nia plü bunes ta i jì adincuntra a aumënc de potënzes. Al è insciö preodü da potenziè la rëi in bassa mo ince in media tenjiun. Les condütes tl'aria, spezialmënter verso "dla dal ega" gnarà sostituides cun condütes nöies, plü sterscies y sot tera ite. Chësc da plü sigurtè tla distribuziun y va ince a mioré l'aspet dla contrada.

Deplü informaziuns é da ciafé sön la man dërta.