17.11.2017:  Rëi dla "fira otica" ruvada.

Cun i 20 de stëmber el gnü metü man i laûrs por completé la rëi dla fira otica tla zona artejanala. Al è gnü ciavè i ultimi toc y metü pozëc. Do che al è gnü trat ite i pici rôs por taché ite les ciases, ele ste na dita spezialisada che á suflè ite l'cabl dla fira otica, che porta spo l'segnal. Te gnanca dui mëisc, ai 17 de novëmber è insciö i laûrs gnüs stlüc ia. La rëi è pronta da gni adurada por l'sorvisc.

Tles foto n ejëmpl de n pozet y dles conesciuns.

26.07.2017:  Infrastrutüra por la "fira otica" tla zona artejanala

I ultims laûrs dl'Aziënda Eletrica è gnüs fac tla zona artejanala y a Pidrô pro la distribuziun dl strom. Por chësta gaujia è ince chilò gnü metü na majera pert de ros por la rëi dla "fira otica". Al è intenziun dl'Aziënda Eletrica porchël da portè inant chisc laurs tla zona artejanala y da tachè ite les ciases a chësta nöia infrastrutüra.

Por podëi programé i laûrs de colegamënt te chësta ultima fasa, vëgnel damanè da de jö l'adejiun adoran l'formular aposta anter i 14.08.2017. 

Al è preodü da ruvè a tachè ite les ciases por mez novëmber. L'Aziënda Eletrica suratol l'inciaria da mët i ros, i cabli y düt cich è nezesciar por stabilì l colegamënt tres "fira otica" dal post de distribuziun fina ala ciasa. Unatantum è l cost por taché ite al'infrastrutüra.
L'sorvisc che passa sura la "fira otica", internet, telefonia y televijiun, è compit dl provider y po gni damanè a chësc man man che les ciases è tacades ite.