Rëi por la trasmisicun de dac y telecomunicaziun tres "fira otica"
L'ciamp dles telecomunicaziuns á tl ultim tëmp ciafè tres plü importanza. Tröpes coses de nosta vita é uramai liades a n bun colegamënt internet. L'Aziënda Eletrica á por chësta nezescitè fat laurs te desvalies zones dl Comun da La Val por portè pro a realisè daimpro ia chësta rëi.
Infrastrutüra por la "fira otica"
Zona artejanala:
La rëi dla "fira otica" por la zona artejanala è gnüda in pert realisada adüm ai ultims laûrs por la distribuziun dl strom y spo completada tl altonn 2017. La rëi è sëgn arjignada por l'sorvisc.
Pidrô y Lè:
Ince chilò el gnü fat bele deplü laûrs. In pêrt è la rëi desponibla. Les condütes prinzipales è bele arjignades ca.