Domandes y respostes che reverda l contadù eletronich

Ci é pa n contadú eletronich?   
Al é n aparat modern, che ne mosüra nia ma la forza eletrica consumada, sciöche al fajô  i contadus vedli tradizionai, mo ai pò gni lic' y gestis a distanza.

Co funziunëia pa n contadú eletronich?
Al é n aparat dër sofistiché rispet a chël tradizional y al é basè sön tecnologia digitala. Chësc contadú, sfrutan la linea eletrica, é bun da scambié informaziuns cun na unité zentrala che l'gestësc a distanza.
 
Cai è pa i vantaji dl contadú eletronich? 
- Al ne mëss nia passè valgügn a lí jö l'contadú; 
- Cun la prezijiun y la puntualité dles letüres vëgnel faturé i consums reai y no chi presunc'; 
- Na pert dles operaziuns contratuales pò gni fates atira y sënza intervënc' da pert de tecnics pro  l'tliënt; Söl display él da ciafè tröpes informaziuns, sia contratuales (numer utënza, potënza disponibila, tarifa atuala), sia relatives al consum (energia, potënza disponibla) y ince mesaji sciöche p.ej. la gauja dl scat dl limitadú.

Salta l'limitadú dl contadú eletronich sciöche chël tradizional?
Tl cajo de n maiú asorbimënt de potënza co dada dant tl contrat, saltel l'limitadú dl contadú digital avisa sciöche chël tradizional, ater che cun na maiú prezijiun.

Co se comportum pa tl cajo che al salta l'limitadú?
Sciöche cun chël tradizional. Sce al salta l'limitadú ol dí che al é gnü asorbí na maiú potënza respet a chëra disponibla (pur gauja,  p.ej. sce al vëgn tachè ite deplü aparac' de ciasa tl medemo mumënt ) o che vosc implant á val defet, da fá ciarè do da n eletrizist.

Ci é pa la potënza contratuala?
Al é la potënza eletrica prevista dal contrat.

Ci é pa la potënza che an á a disposiziun?
Al é la potënza eletrica da contrat aumentada dl 10%. Al é chësta la potënza mascima che pò gni asorbida tres fora dai aparac' dl cliënt, sënza limic' de tëmp.

Cun l'instalaziun dl nü contadú saral a norma mi implant privat rispet ala lege 46/90?
L'nü contadú ne modifichëia nia la situaziun de vosc implant intern rispet ala lege 46/90. Sce ne ëis nia ciamò metü a norma vosc implant, ves aconsiunse de contatè n tecnich de vosta fiduzia.

Cun l'nü contadú él ince prevista l'instalaziun dl "salvavita"?
No, l’instalaziun dl "salvavita" é n adempimënt (lege 46/90) a ciaria dl cliënt che riguardëia la sigurëza dl'implant eletric.
 
Pur instalè l'nü contadú, mëssi fa modifiches al'implant intern? 
An ne va nia debujëgn de modifiches al implant intern.

De che é pa le contadú eletronich? A che ti aspetel pa la manutenziun?
Da chësc punt de vista ne cambiel nia rispet ala situaziun atuala. L'contadú é de proprieté dl'AEL sciöche ince la responsabilité de sò funzionamënt.

Sce l'contadú éss da se rumpì y an messas le sostituí, me vëgnel adebité le cost?
Ma tl cajo che l'contadú foss gnü danegé fajon operaziuns nia regolares.

Ciudi vëgnel pa sostituí i contadus?
La sostituziun rientrëia tl ciamp dl'adeguamënt di implanc' a nöies y modernes tecnologies. L'nü musuradú, plü sofistiché á  tröp plü funziuns y potenzialité implü respet a chël da denant. Al è na prescriziun dl'Autoritè por l'energia.

Tan costel pa?
Al ne costa nia. La sostituziun é deban, deche, sciöche bele dit, l'contadú é de proprieté dl'AEL.

Poi rifiuté la sostituziun?
No. Ara se trata de n amodernamënt che ne comporta degügn cosc' y che è scrit dant dal'Autoritè por l'energia.

Ci vantaji ai pa?
Ti proscimi mëisc, can che al gnará ativé la teleletüra (l'AEL ves comunicará l'ativaziun dl servisc), arëise la certëza dla prezijiun dla misuraziun di consums y dla faturaziun; datrai ince ma basada sön valurs efetivs.

Ulá vëgnel pa instalè l'nü contadú?
Avisa ulá che al é sëgn instalè l'contadú atual.

Poi damanè l'instalaziun te n'ater post da chël atual?
Al mumënt dl'intervënt no, mo al pò gni damanè dl spostè te vigni ater mumënt.

I tliënc' gnará informá dl'intervënt de sostituziun de sò vedl contadú tres la posta. Söl avis gnaral scrit la data dl'intervënt y i numri de telefon da cherdè sö sce an éss val problem (l'cliënt n'é nia a ciasa, tl cajo de n contadú te ciasa y nia defora y/o damanè de cambié data).

L'dé stabilí, saral l'tecnich inciarié che fajará la sostituziun di contadus, scrion sö l'ultima letüra dl vedl contadú.

Deche ara se trata de n'operaziun de gran complessité organisativa, vëgnel damanè la mascima colaboraziun da pert dl tliënt.