Consëis por sparagné forza eletrica te ćiasa:

Mené jö la temperatüra de ambiënt sparagna forza eletrica. Sce al vëgn aconsié da 20 a 22 gradi te bagn, stüa y ćiamena di mituns, ne dessel nia ester plü de 18 gradi te ćiamena y te atri locai che ne vëgn nia tröp adorá. Vigni grado de manco sparagna 6% de forza eletrica.

Aieré é important pur baratè fora l’aria consumada y tümia. Pro l’aieré a sbürles deurun de plëgn les finestres da trëi a cater iadi al dé pur 10 ćina 15 menüć.

Adorede lüms neon y lüms neon compates. Chëstes consumëia in confrunt ai pirns cun la medema lominosité trö demanco forza eletrica. Destudede lüms che ne adorëise nia. Evitede na ilominaziun te locai che ne vëgn nia adorá.

Boileri dal ega ćialda dess gní regolarmënter desćialciá. Cun chësc ne sparagnëise nia ma forza eletrica, mo portëise inće pro che i aparać tëgnes plü dî.

Nia mët mangiaria o boandes ćialdes te dlaciadú. Al se formëia dlacia y chësc aumentëia le bojëgn de forza eletrica.

Dassëra stlüje les coltrines, liscios, o rollos. Cun le stopè sfësses pro les finëstres y portes podëise sparagné bëgn 6% di cosć dl scialdè.

Coltrines lungies, mobilia che n’é nia ti dër posć o stanges cun guant da assoié che é gnüdes metüdes sö pro i radiators pó consumé ćina 20% de ćialt in plü.

I comandi stand-by pro les televijiuns, radi stereo o computer adora energia por nia – al é damí sce destodëise chisc aparać dal düt.