Le svilup y i nüs regolamënc é pur l'Aziënda Eletrica tres en maiú impëgn

Tl ann 2002 él gnü fat da pert dl'AEL na valutaziun dl sorvij pité. Al é gnü tut in conscideraziun l'gran aumënt de energia eletrica, la produziun a disposiziun y le svilup cun i nüs regolamënc dá dant dal'Autorité dl setur. Pur fa frunt a düt chësc, él nasciü la "Gader Energy".

Ti ultimi 10 agn él aumentè l'consum de energia eletrica dl 102% tla zona de distribuziun dl'AEL. Al dé daincö fóss la vita sënza energia eletrica nia plü poscibila, deche ara é indispensabla sides te ciasa che ince söl laur.

La Gader Energy á fat en stüde sön les poscibilites de aumënt dla produziun de energia eletrica, adurán fontanes regeneratives, sciöche l'ega.
L'idea prinzipala é chëra de pudëi miglioré la continuitá, dan insciö ciamò plü sigurëza tla fornidüra de forza eletrica.
Pur chël él gnü realisé n proiet de na zentrala idroeletrica söl rü "Gadera". L'energia eletrica de chësta zentrala vëgn metüda tla rëi dl'AEL y venüda sü tliënc'.

La sozieté cooperativa é buna insciö da una na pert da finanzié miú les infrastrutüres y dal atra pert ince da ofrí l'energia eletrica a n miú prisc.
L vantaje va esclusivamënter al tliënt dl'AEL, ne á pö la cooperativa degun fin de davagn.