Cun l'altonn 2008 á l'Aziënda Eletrica metü man cun la sostituziun dl contadú tradizional cun chël eletronich digital nü. Passa l'88% é bele gnüs cambiá. L'contadú pita plü poscibilites tla registraziun dl consum de energia, al é ince poscibl da controlè y fa variaziuns da n zenter de control sënza ji söl post. Chëstes nöies opziuns pormët ince atres formes tla faturaziun. Les prömes diretives sön chësc vers é bele gnüdes stabilides. L'autorité por l'energia eletrica y l'gas stabilësc chilò les tarifes por i tliënc che tol l'energia eletrica dal fornidú local.  

La Val, 23.04.2010