L' bur tëmp di ultimi dis à portè a plü interuziuns tla fornidöra dla forza eletrica. Chilò valch informaziun sura l'sozedü.

Mercui, ai 28.06.2006
L'gran vënt à rosedè lëgns sön la condüta de media tensiun tla localitè Lè. L'strom toma fora dales 06:52 . L'dann è gnü localisè te cürt tëmp y insciö à l'Aziënda Eletrica dè indo strom a les zones che ne depënd nia dala condüta rota. Por les zones sura chësta condüta ele gnü fat l'poscibl por dè inant almanco in pert la forza dl strom. Passa 200 metri de condüta  ê rota y i sostëgns è gnüs rovinà. L'dann ala condüta è stè maiù che in pröma minè. Söl domisdè ele spo gnü de strom ince a les zone restades sënza.

Jöbia, ai 29.06.2006
Dales 05:24 à l'gran vënt rosedè por l'secundo iade lëgns sön la condüta. Tucada ele la condüta dl'Enel tla localitè "Plans dl'Galber". Les zentrales de produziun dl'Aziënda Eletrica è ciamò bunes da dè inant strom a döt La Val. Por podëi mantignì inant la forza dl strom a na pert dl paîsc à l'Aziënda Eletrica massè destachè dales 06:40 la zona artejanala da Pidrô. L'Enel à arjignè ca n provisor y dales 08:01 à ince la zona da Pidrô indô ciafè la forza eletrica.

Vëindres, ai 30.06.2006
La condüta rota ai 29.06.2006 è gnüda cunciada è l'Enel à tut demez l'provisor. Por podëi fa chësta manovra ele gnü destachè la forza dl strom dales 11:24 cina les 11:59. Tan inant che al è ste poscibl à l'Aziënda Eletrica dè in pert inant la forza dl strom. 

La Val, 30.06.2006